Хенри IV

Само на еден ден од појавувањето во продажба, искористете ја можноста први да ја добиете скапоцената книга со 10% попуст.

Хенри IV е славна драма во три чина напишана во 1921, а премиерно поставена на сцена на 24 февруари 1922 во театарот Манцони во Милано. Претставува вистинска студија за лудилото и сложениот однос меѓу ликот и човекот, фикцијата и вистината.

Ликовите на големиот Пирандело се луѓе кои се принудени секојдневно да се справуваат со егзистенцијални проблеми. Во нив сретнуваме обични личности кои би можеле да ни бидат соседи, сопственици на мали дуќанчиња на кои судбината и семејните драми им го пореметуваат вообичаениот животен тек, потоа професори, пензионери, дадилки, шивачки итн.

Луиџи Пирандело/Luigi Pirandello, италијански прозаист и драмски автор со ретко богат, ама и ретко еминентен опус, составен од најмалку двесте брилијантни новели, десет романи, куп луцидни есеи и дури 44 интригантни, драматуршки иновантни, беспрекорно структурирани пиеси, автор кој одамна е промовиран во книжевен мит. Историчарите на литературата, традиционално наклонети кон рангирања и споредувања од секаков вид, го прогласиле за најрелевантен италијански писател на XX-иот век. Според неговите драми и романи се снимени многу филмови.

„Смеата и болката совршено измешани со разумот и со лудилото.“

Пол Тејлор, Индепендент