Индиго Бомбај

Долги, индиски денови. Уште подолги, индиго ноќи. Странкиња во Бомбај изгубена далеку од хотелот, или повикана од некого за да пронајде... Што има зад превезот на обичниот живот, таму кај што не може да довиди? А, што има, пак, над него, до каде што нејзиниот ум не успева да довтаса? Од кого е повикана? На што треба да се сети? Кој ќе и го покаже патот до... И со која цел? Индиго Бомбај: табуизирана, многу чувствителна тема, недопрена од нашата литература. Што разлазува морници, но и вознесува од восхит. Таинствен копнеж што повикува на заумни патувања. Заборавени долгови што обврзуваат да бидат оддолжени. Случајности што не се тоа. Чудесни љубови. Препознавања на двојници по крв. Загадочни средби. Разделби без разделувања...Роман - сочно животен и недофатно мистичен. Драматичен. Возбудлив. Тревожен. Успокојувачки. Тажен и радосен. Длабок и висок. Темен и светол. И доживеан низ лично искуство. Затоа вистинит.Индиго Бомбај е добитник на наградата Роман на годината на Утрински весник за 2008 година.