Книга од соништа

Соништата... Тие, веројатно, се најголемата мистерија за луѓето. Секој ден, милијарди луѓе спијат, веројатно за да сонуваат. И какви соништа доаѓаат? Дали се тие соништа што ја кажуваат иднината? Соништа што го преобликуваат нашето минато? Соништа што прават магија од реалноста?

Во својата книга „Книга од соништа“, Хорхе Луис Борхес прави антологија од најпознатите епизоди на соништата. Опфатени се соништа од библиските текстови, грчко-римските митови, кинеската филозофија, па сѐ до делата од изминатите неколку децении. Во оваа колажна антологија е застапен широк и разновиден спектар од класичните дела во контекст на соништата и нивното влијание врз човековите постапки и мисли.

„Книга од соништа“ не е теориско, толковно, ниту научно дело. Едноставно, тоа е збирка епизоди од соништа, за кои Борхес сметал дека се интересни. Анализата и толкувањето на овие познати соништа се препуштени на читателот и на неговата имагинација.