Појадок кај Тифани

„Најдоброто нешто што го изнајдов е едноставно да влезам во такси и да отидам докај Тифани. Веднаш ме смирува – мирнотијата и достоинствената атмосфера; таму не може да ти се случи ништо лошо, не може, со тие љубезни мажи во убави костуми.“ Романот мајсторски ги прикажува многуте слоеви на прекрасната и мистериозна Холидеј Голајтли. Преку необичното пријателство со соседот писател во 1940-тите години во Њујорк се гради моќна приказна за суштината на поврзаноста меѓу луѓето и чувството на припадност. Холи е лик на вечен сонувач или, како што Капоти ја нарекол, „нетипичен романтичар“. Таков роман напишал и тој: веројатно најоригиналната книга за љубовта што не е класична љубовна приказна! Холи е девојка со слободен дух, а со темните очила и надворешниот изглед е апсолутна сензација каде и да се појави. Иако нејзиниот свет е свет на забави со милионери и „селебрити“, никогаш не се откажува од својот најголем сон – да најде вистинско место, како „Тифани“, каде што ќе најде мир за себе. Филмската екранизација со Одри Хепберн во главната улога направи од „Појадок кај Тифани“ едно од најзвучните и најспомнувани уметнички дела на сите времиња. Романот децении и децении влијае врз книжевноста, филмот, модата, музиката и популарната култура во целина. Половина век „Појадок кај Тифани“ е омилено уметничко дело меѓу фановите од сите генерации, претворајќи се во голем мал класик!