Триесет и деветте скалила

Џон Бакан бил британски романсиер, историчар и унионистички политичар што служел како генерален гувернер на Канада, 15-ти по Канадската конфедерација. Бакан бил член на истакнатиот ред на Св. Михаил и Св. Георги, член на кралскиот викторијански ред, член на Тајниот совет на Обединетото Кралство и заменик-потполковник. По кратка правна кариера, Бакан истовремено започнал писателска, политичка и дипломатска кариера, служејќи како приватен секретар на администраторите на разни колонии во јужна Африка. Најпосле пишувал и пропаганда за британските воени дејства во Првата светска војна. Бил избран за пратеник во Комбинираните шкотски универзитети во 1927 година, но претежно работел како писател, пишувајќи го меѓу другите и познатиот роман "Триесет и деветте скалила". Меѓу 100-те дела на Бакан има 30-тина романи, седум збирки раскази и биографии на Сер Волтер Скот, Цезар Август и Оливер Кромвел. Бакан ја добил меморијалната награда "Џејмс Тејт Блек" во 1928 година за биографијата на Маркизата од Монтроу, но најпознатите книги му се шпионските трилери за кои денес е најдобро запаметен.