Чудото на здивот

Главниот лик на овој роман-добитник на престижната „Атинска награда за литература“
за 2010 година е млад човек кој несвесно ја продава својата душа на компанија за која му се чини дека ќе ги оствари сите негови сништа
и животни идеали.

Димитрис Сотакис, писател со исклучителна преференца за симболи и алегории, од овој роман успева да направи моќна фаустовска приказна.
Во него ѓаволот е во форма на компанија за пренос на мебел, која, во договор со главниот лик, пренесува безброј парчиња мебел во неговиот стан. Договорот е мебелот да остане таму до одреден датум, за голема сумa пари. Борејќи се за здив поради задушувачкото присуство на сè поголема количина мебел, дистрибуирана од компанијата, протагонистот губи сè што има. Тензијата расте сосема полека, како што херојот станува заробеник во сопствениот дом.
Преку живите и многу возбудливи описи, авторот гради атмосфера на деперсонализација и дезинтеграција, во која херојот постепено се отсекува од сè што претставува линк со надворешниот свет, отуѓувајќи се од пријателите, фамилијата и љубовницата.