Змејови од хартија

Во својот парадигматски роман „Змејови од хартија“, Мира Оташевиќ, една од најистакнатите современи српски писатели, впечатливо, на места занесено, на места жестоко, без анестезија, говори за необјаснивата смена на времињата: од речиси апсолутната креативна и човечка слобода на авангардата до нацистичката диктатура, која кулминира со логорите на смртта и холокаустот... Централен лик е архитектот Селман Селманагиќ, роден во Сребреница и еден од најзначајните ученици на „Баухаус“ – познатата авангардна школа за дизајн и за архитектура формирана точно пред еден век, во 1919 година. Ова е роман за сонот и за кошмарот, за духот на младоста на едно време и за подоцнежните разочарувања на неговите учесници, за здивот на слободата и за нејзините бирократски изневерувања и милитантни погазувања, за радоста и за слободата и за нивниот драстичен слом... За змејовите од хартија на кои им е судено да летаат по едно оловно небо. Томислав Османли